Казандагы 2015 елгы Су спорт төрләре буенча 16 нчы ФИНА дөнья чемпионатының рәсми сайты
Су спорт төрләре буенча 16 нчы ФИНА дөнья чемпионаты 24 июль - 9 август 2015
:
:
Fina - FEDERATION INTERNATIONALE DENATATION

Стартка кадәр бер ел

Су спорт төрләре буенча 16 нчы ФИНА дөнья чемпионаты башланырга бер ел калу уңаеннан чемпионатның оештыру комитеты казанлылар һәм шәһәр кунаклары өчен сөенечле бүләкләр әзерли. Әлеге чаралар 24 июль һәм 8 август көнне узачак.

24 июльдә “Казан” Гаилә үзәге алдындагы мәйданда 2015 елгы дөнья чемпионатына багышланган күләмле Бульвар гәҗите “бастырылып чыгачак”. Гәҗит алдагы дөнья чемпионаты турында казанлыларга мөмкин кадәр күбрәк сөйләргә, кызыклы фактлар һәм су спорт төрләре белән бәйләнгән легендалар белән таныштырырга тәгаенләнгән. Укучыларны шулай ук кызыклы конкурслар көтә. Болардан тыш, барлык теләүчеләр дә хай-дайвингның виртуаль 3D каланчасында истәлеккә фотога төшә алачак.

8 августта, хай-дайвинг буенча узучы дөнья кубогы ярышлары ачылышы көнне, Игенчеләр сарае каршында чемпионатка калучы елны бәйрәм итү уңаеннан концерт узачак. Тантанада алдагы ярышның беренче Илчеләре билгеле булачак. Бәйрәм кунакларын Чемпионат талисманнары белән танышу көтә.

Белешмә өчен

Су спорт төрләре буенча дөнья чемпионаты - 1973 елдан башлап, Халыкара йөзү федерациясе эгидасы астында үтүче зур ярышларның берсе. Чемпионат ярышлары 6 төр буенча үтә (йөзү, ачык суда йөзү, суга сикерү һәм хай-дайвинг, синхрон йөзү, су полосы).

Дөнья чемпионатында 2400 гә якын спортчы катнашачак, 71 медаль комплекты уйнатылачак. Әлеге көннәрдә Казанга 180-185 илдән килгән 1800 якын рәсми зат килер дип көтелә. Ярышларны 200 рефери һәм хөкемдар хөкем кылачак.